انا بحب فايروس كورونا
منقول
عزيزي فيروس كورونا ... وحياة امك يا شيخ اوعي تمشي مهما حصل... انا معنديش مانع اعيش خاين لمعشر البشر و اقولك كل حاجه بيعملوها علشان يموتوك مقابل انك تكمل معانا حبه حلوين ...علشان اللي انت عملته يتصنف تحت بند الخوارق و المعجزات .. اه و النعمه... انت عدلت الكوكب و عملتله ريستارت ونفخته ب بلور 2000 وات يا كلبه يا خلبوصه انتي ..... خد عندك
1- الدكاتره و العلماء و فرق التمريض و الجهاز الصحي بقو نجوم المجتمع 😅 طب و النعمه دي و يا رب اطفحها زي ما بقولك كده .... ما تبحلقش كده اصبر ده التقيل جاي.... كمان كل الدول بقت بتزود مرتباتهم بنسب وصلت 1000% ده غير الدول اللي حددت ميزانيات بالمليارات للبحث العلمي تخيل يا ابن اللذينه .... وفي المقابل بقي لعيبه الكورة و الممثلين و المطربين و الرقاصين و التافهين و النصابين و الدجالين و بياعين الهوى قعدوا في بيوتهم .... بعد ما كانو بياخدو ارقام كفيله تخلي اي دكتور اشتغل علي نفسه او واحد زي حالاتي صرف علي نفسه بالالاف ماجيسترات و دبلومات و كورسات و مذاكره و تعب و شقي انه ينتحر من القهر!!!!!!
2- كل دوله بقت في حالها ... تصور يا مؤمن !! اه و ربنا زي ما بكلمك كده... وكل دوله بقت متنيله علي عنيها زي الوليه المطلقه اللي بتشتغل ليل نهار و مكرسه مجهودها و مواردها و فلوسها لشعبها .... و الدول اللي كانت عامله زي الراجل اللي داير علي حل شعره يمين و شمال و عامل فيها عنتيل المحله و فجأه اكتشف انه مش عارف يسد حتي علي بيته علشان يسد علي اللي بره ... و فجأة سبحان اللة بقينا ولا سامعين صوت تركيا ولا قطر ولا امريكا ولا اسرائيل ولا دول اوروبا ولا روسيا ولا الصين ولا عزبه النخل حتي... بقينا كل اللي سامعينه منهم صويت علي خبيتهم التقيله مع انهم كانوا عاملين اسود الكوكب ... تصور مثلاً دوله زي فرنسا سحبت كل جنودها من جيش الاتحاد الاوربي في العراق و قالت انا مش هسيب جندي واحد يخدم حد غير فرنسا.... يا كوكى يا كميل انت تصدقني لو قلتلك ان كل ثوابت السياسة و الاقتصاد بتتغير بسببك دلوقتي لدرجه ان احتمال كبير ما يبقاش في حاجه اسمها اتحاد اوروبي و نمشي في جنازه اليورو قريب !!!!!
3- نظام جديد للتعليم مكناش نحلم انه يحصل و ضرب مليون عصفور بحجر واحد ... خد عندك يا سيدي ...
- ريح الطرق من الضغط اللي كانت بتعمله المدارس و الجامعات و اللي كانت بتكلف الكل سواء دوله او افراد من استهلاك وقت و طاقه و بنزين و فلوس و حرق دم و استغلال المدارس اللي انا شخصياً دافع لولادي الاتنين 14000 جنيه مصاريف ال Bus بس في السنه.
- فكره التعليم اون لاين نفسها اللي ممكن تلغي مستقبلاً فكره المدارس اللي كانت بتكلف الدوله علي المستوى الحكومي علشان تبني و تصرف علي مدارس او علي مستوى اولياء الامور علشان تدفع عشروميت الف جنيه لاصحاب المدارس و احنا كمان اللي بنجيبلهم التباشير و الاقلام و السابورة و الحاجات اللي هيزينوا بيها الفصل و ورق الكوروشيه و الأولويز بتاع الميس ... عمرك شفت وساخه وبجاحه اكتر من كده !!
- انتهاء فكره الدروس و السناتر و مص دم اولياء الامور بفكره ان الامتحانات تبقي عباره عن ابحاث اللي هيترتب عليه ان العيال تتعلم ازاي تفكر مش الاب يدفع فلوس لمدرس يحفظله ابنه و يطلع الواد زي الاهبل مش فاكر غير الجهاز التناسلي للضفضعه و كأنك يا ابو زيد ما غزيت
- الاجمل من ده كله يا كيوتي ان ال 100 مليون عبقري و خبير في مجال التعليم اللي عايشين في مصر حاطين لسانهم في بقهم و بيقولوا امين
4- شغالين دلوقتي بقالنا تقريباً شهر من البيت و وفرنا فلوسنا و عربيتنا و مجهودنا في الطريق رايح جاي و بالرغم من كده الشغل شغال احسن من الاول لان ببساطه بنبدء شغلنا و احنا في كامل طاقتنا و مضيعناش من طاقتنا ساعتين في الزحمه و محدش هيفهم انا اقصد ايه غير واحد ساكن في اكتوبر و شغله في التجمع الخامس زي حالاتي و الاهم من ده ان شوارع العاصمه راقت و فكت و ابتدينا لاول مره نشوف لون الاسفلت.... ده غير بقي انك لو بصيت للموضوع بطريقة اشمل هتلاقي ان النفط سعره نزل لان الاستهلاك قل و الموازين ابتدت تتعدل يا مان .... انت مدرك يا مجرم يا صغنن انت عملت ايه؟؟!!
5- مش سامعين صوت ولا لداعش ولا لتنظيم القاعده ولا طالبان ولا ابناء القدس و لا مكملين و لا علي القدس رايحين شهداء بالملايين ولا ام احمد حتي و بقوا قاعدين مستنيين الكفره يخترعوا العلاج .... و اعتقد الفكر يمكن يتغير لما شافو ان الوباء و الابتلاء ممكن يطول الكل مؤمن كان او كافر علشان ربك رب قلوب و السلام بقي مالي الكوكب و لا عزاء لمن تنادي !!
6- الجريمه قلت و كلنا بقينا نروح بيوتنا من الساعه 7 و نقعد مع اولادنا و عيلتنا و نقرب من بعض اكتر بدل التلطعه في الشوارع و القهاوى و ابتدينا نسأل علي بعض زي زمان .. الملحض عايشين حياة الراجل الريفي البسيط اللي بيشتغل طول اليوم و يروح بيتهم علي المغربيه و يتعشي العشوه الحلوه مع ولاده و عيلته و لو شاف حلقه مسلسل في التليفزيون قبل ما ينام يبقي قمه الدلع و الاستكنيصه... العيشه اللي تطول العمر مش تقصره!!
7- انا شخصياً اتعلمت ان المصاريف لازم تبقي في حدود و علي قد يومنا وان في حاجات كتير كانت بتستغفلنا و بتاخد فلوسنا و شقانا باللعب علي عقولنا زي المولات و المطاعم و الكافيهات و الاعلانات اللي ملهاش لازمه
8- لاول مره كل واحد بقي بيصلي في حاله و لحاله ولا بيدعي علي غيره ولا بيتمني الهلاك و الوعيد للآخر... و اول مره اشوف الناس بتساعد بعض و مش فارق معاها انت مين و بتعبد ايه انت مسيحي ولا مسلم ولا بوزي ولا يهودي و لا حتي ملحد.... لأ و ايه كمان يا مجرم رجال الدين و المتدروشين اخيراً رجعوا خطوه لورا و قالوا اللي يقول عليه العلم و الدكاتره نعمله و تحت امره لان ببساطه ربنا نفسه قال كده ......و ربنا زي ما وجد الداء قالنا اسعوا علشان تجدوا الدواء و لو كان الموضوع بالدعاء كان كل طالب وفر وقت مذاكرته و قعد يدعي و يصلي انه ينجح... لكن خلاص بقي لا مجال للمتاجره بالدين و المعجزات و الدروشه الفارغه اللي تفتقر المفهوم الحقيقي للايمان و التدين.
9- اخيراً الشعب اقتنع ان العيب مش في الحكومات و لا رئيس العيب فينا و في تعليمنا و في ثقفتنا و جهلنا .... و لاول مره الحكومه تثير إعجاب شعب بقرارات و تطبيق يكلف دوله فقيرة زي حالتنا كتير لدرجه انها تجيب ولادها من دول العالم علشان يبقو علي ارضهم في نفس ذات الوقت اللي نشوف دوله زي امريكا بتدفع ولادها 1000 دولار علشان يرجعوا بيوتهم لا واللي الدوله المصريه بترجعه لارضه وناسه بتقعدوا الاول فتره حظر في الميريديان او الماريوت اكل شارب نايم متدلع و علي حساب الدوله و عجبي ..... تصدق يا فيروس يا ابن الايه انت اني شوفت فيديوهات لناس في امريكا بتتوسل للدوله المصريه انهم يرجعوا بلادهم علشان خايفين علي نفسهم في امريكا !!!!
10- أخيراً بقي في سيطره علي الاسواق و جشع التجار من الناس نفسها اللي ابتدت تعترض و تقول بناقصها و تبلغ و تتحرك و الحكومه اللي بتتحرك علي قد مقدرتها لدرجه خلت ان كان قبلك يا سيد كورونا في ظروف زي دي كان ممكن الشعب المصري يكون بيتباع قطع غيار في سوق البني ادمين
11- دوله تصنف فقيره زي مصر تاخد بالها من ناسها لدرجه انها تدفع فلوس للناس اللي دخلها باليوميه حتي لو ما قدرتش تدفع للكل بس علي الاقل بتحاول و في نفس الوقت اكبر دول العالم بتتخلي عن ناسها حاجه خلتنا نرجه نثق و نفتخر ببلدنا و ان المصرى غالي مش رخيص حتي لو لسه في سلبيات بس زى ما اتفقنا العيب فينا مش في حكومه!!
12- مش هقول رجال اعمال لكن الشعب نفسه بيتبرع لدرجه اني انا شخصيا اتبرعت حتي لو بمبلغ صغير لصندوق تحيا مصر مع اني عمرى ما كنت اتخيل اني اعمل كده علشان اخيراً حسيت و اقتنعت اننا في مركب واحد!
13- ببساطه الشعب لما ابتدي يخاف منك .. و علشان العمر مش بعزقه ابتدي بسهوله و بسلاسه غير متوقعه يعرف يفرق بين الهمجي و العاقل... الجشع والمحترم... الارهابي و الانسان اللي عايز يعيش صح.... رجل الدين و اللي بيتاجر بالدين... قناة الجزيرة و لا مصدر خبر محايد دقيق ..انه يسيب القرار للعلم و العلماء و يفهم ان اي القرار مبني علي معلومات و معطيات و لو انت معندكش المعلومات و المعطيات دي يبقي تتلهي علي عينك و تسيب اللي معاه يتصرف و كل بني ادم كان جواه شخصيه الفتاي حطها في الصندره!!
١٤- يا راجل ده بيقولك حتي الارض ابتدت تتعافي و لمؤخذه خرم الأوزون ابتدي يلم من قله التلوث.... و الطبيعة ابتدت تشم نفسها من القرف اللي البني ادمين عملوه علي مدار سنين ..... حتي اليوم بقي فيه بركه مش طبيعية لدرجة انه مش بيخلص 😅!!!!!
عندنا مشكله واحده بس ان السياحة وقفت بس بردو معلش و مش مهم لان ببساطه وقت ما كانت السياحة شغاله علي اخرها و بتوع السياحه مش عارفين يودوا الدولارات فين باقي الشعب مكنش عايش في القطامية هايتس ... !!!!
بص انا لو قعدت اتكلم من هنا لبكره مش هخلص ...بس انت متخيل يا كوكي انت عملت ايه في الكوكب المعفن ده !!!!
علشان كده وحياة اغلي ما عندك و غلاوة ال DNA و ال RNA بتوعك و غلاوة غشاءك البروتوني اوعي تمشي من هنا مهما حصل حتي لو انا شخصياً اترحموا عليا بسببك .... فما الحب ما قتل ........
#انا_بحب_فايروس_كورونا
منقول
عزيزي فيروس كورونا ... وحياة امك يا شيخ اوعي تمشي مهما حصل... انا معنديش مانع اعيش خاين لمعشر البشر و اقولك كل حاجه بيعملوها علشان يموتوك مقابل انك تكمل معانا حبه حلوين ...علشان اللي انت عملته يتصنف تحت بند الخوارق و المعجزات .. اه و النعمه... انت عدلت الكوكب و عملتله ريستارت ونفخته ب بلور 2000 وات يا كلبه يا خلبوصه انتي ..... خد عندك
1- الدكاتره و العلماء و فرق التمريض و الجهاز الصحي بقو نجوم المجتمع 😅 طب و النعمه دي و يا رب اطفحها زي ما بقولك كده .... ما تبحلقش كده اصبر ده التقيل جاي.... كمان كل الدول بقت بتزود مرتباتهم بنسب وصلت 1000% ده غير الدول اللي حددت ميزانيات بالمليارات للبحث العلمي تخيل يا ابن اللذينه .... وفي المقابل بقي لعيبه الكورة و الممثلين و المطربين و الرقاصين و التافهين و النصابين و الدجالين و بياعين الهوى قعدوا في بيوتهم .... بعد ما كانو بياخدو ارقام كفيله تخلي اي دكتور اشتغل علي نفسه او واحد زي حالاتي صرف علي نفسه بالالاف ماجيسترات و دبلومات و كورسات و مذاكره و تعب و شقي انه ينتحر من القهر!!!!!!
2- كل دوله بقت في حالها ... تصور يا مؤمن !! اه و ربنا زي ما بكلمك كده... وكل دوله بقت متنيله علي عنيها زي الوليه المطلقه اللي بتشتغل ليل نهار و مكرسه مجهودها و مواردها و فلوسها لشعبها .... و الدول اللي كانت عامله زي الراجل اللي داير علي حل شعره يمين و شمال و عامل فيها عنتيل المحله و فجأه اكتشف انه مش عارف يسد حتي علي بيته علشان يسد علي اللي بره ... و فجأة سبحان اللة بقينا ولا سامعين صوت تركيا ولا قطر ولا امريكا ولا اسرائيل ولا دول اوروبا ولا روسيا ولا الصين ولا عزبه النخل حتي... بقينا كل اللي سامعينه منهم صويت علي خبيتهم التقيله مع انهم كانوا عاملين اسود الكوكب ... تصور مثلاً دوله زي فرنسا سحبت كل جنودها من جيش الاتحاد الاوربي في العراق و قالت انا مش هسيب جندي واحد يخدم حد غير فرنسا.... يا كوكى يا كميل انت تصدقني لو قلتلك ان كل ثوابت السياسة و الاقتصاد بتتغير بسببك دلوقتي لدرجه ان احتمال كبير ما يبقاش في حاجه اسمها اتحاد اوروبي و نمشي في جنازه اليورو قريب !!!!!
3- نظام جديد للتعليم مكناش نحلم انه يحصل و ضرب مليون عصفور بحجر واحد ... خد عندك يا سيدي ...
- ريح الطرق من الضغط اللي كانت بتعمله المدارس و الجامعات و اللي كانت بتكلف الكل سواء دوله او افراد من استهلاك وقت و طاقه و بنزين و فلوس و حرق دم و استغلال المدارس اللي انا شخصياً دافع لولادي الاتنين 14000 جنيه مصاريف ال Bus بس في السنه.
- فكره التعليم اون لاين نفسها اللي ممكن تلغي مستقبلاً فكره المدارس اللي كانت بتكلف الدوله علي المستوى الحكومي علشان تبني و تصرف علي مدارس او علي مستوى اولياء الامور علشان تدفع عشروميت الف جنيه لاصحاب المدارس و احنا كمان اللي بنجيبلهم التباشير و الاقلام و السابورة و الحاجات اللي هيزينوا بيها الفصل و ورق الكوروشيه و الأولويز بتاع الميس ... عمرك شفت وساخه وبجاحه اكتر من كده !!
- انتهاء فكره الدروس و السناتر و مص دم اولياء الامور بفكره ان الامتحانات تبقي عباره عن ابحاث اللي هيترتب عليه ان العيال تتعلم ازاي تفكر مش الاب يدفع فلوس لمدرس يحفظله ابنه و يطلع الواد زي الاهبل مش فاكر غير الجهاز التناسلي للضفضعه و كأنك يا ابو زيد ما غزيت
- الاجمل من ده كله يا كيوتي ان ال 100 مليون عبقري و خبير في مجال التعليم اللي عايشين في مصر حاطين لسانهم في بقهم و بيقولوا امين
4- شغالين دلوقتي بقالنا تقريباً شهر من البيت و وفرنا فلوسنا و عربيتنا و مجهودنا في الطريق رايح جاي و بالرغم من كده الشغل شغال احسن من الاول لان ببساطه بنبدء شغلنا و احنا في كامل طاقتنا و مضيعناش من طاقتنا ساعتين في الزحمه و محدش هيفهم انا اقصد ايه غير واحد ساكن في اكتوبر و شغله في التجمع الخامس زي حالاتي و الاهم من ده ان شوارع العاصمه راقت و فكت و ابتدينا لاول مره نشوف لون الاسفلت.... ده غير بقي انك لو بصيت للموضوع بطريقة اشمل هتلاقي ان النفط سعره نزل لان الاستهلاك قل و الموازين ابتدت تتعدل يا مان .... انت مدرك يا مجرم يا صغنن انت عملت ايه؟؟!!
5- مش سامعين صوت ولا لداعش ولا لتنظيم القاعده ولا طالبان ولا ابناء القدس و لا مكملين و لا علي القدس رايحين شهداء بالملايين ولا ام احمد حتي و بقوا قاعدين مستنيين الكفره يخترعوا العلاج .... و اعتقد الفكر يمكن يتغير لما شافو ان الوباء و الابتلاء ممكن يطول الكل مؤمن كان او كافر علشان ربك رب قلوب و السلام بقي مالي الكوكب و لا عزاء لمن تنادي !!
6- الجريمه قلت و كلنا بقينا نروح بيوتنا من الساعه 7 و نقعد مع اولادنا و عيلتنا و نقرب من بعض اكتر بدل التلطعه في الشوارع و القهاوى و ابتدينا نسأل علي بعض زي زمان .. الملحض عايشين حياة الراجل الريفي البسيط اللي بيشتغل طول اليوم و يروح بيتهم علي المغربيه و يتعشي العشوه الحلوه مع ولاده و عيلته و لو شاف حلقه مسلسل في التليفزيون قبل ما ينام يبقي قمه الدلع و الاستكنيصه... العيشه اللي تطول العمر مش تقصره!!
7- انا شخصياً اتعلمت ان المصاريف لازم تبقي في حدود و علي قد يومنا وان في حاجات كتير كانت بتستغفلنا و بتاخد فلوسنا و شقانا باللعب علي عقولنا زي المولات و المطاعم و الكافيهات و الاعلانات اللي ملهاش لازمه
8- لاول مره كل واحد بقي بيصلي في حاله و لحاله ولا بيدعي علي غيره ولا بيتمني الهلاك و الوعيد للآخر... و اول مره اشوف الناس بتساعد بعض و مش فارق معاها انت مين و بتعبد ايه انت مسيحي ولا مسلم ولا بوزي ولا يهودي و لا حتي ملحد.... لأ و ايه كمان يا مجرم رجال الدين و المتدروشين اخيراً رجعوا خطوه لورا و قالوا اللي يقول عليه العلم و الدكاتره نعمله و تحت امره لان ببساطه ربنا نفسه قال كده ......و ربنا زي ما وجد الداء قالنا اسعوا علشان تجدوا الدواء و لو كان الموضوع بالدعاء كان كل طالب وفر وقت مذاكرته و قعد يدعي و يصلي انه ينجح... لكن خلاص بقي لا مجال للمتاجره بالدين و المعجزات و الدروشه الفارغه اللي تفتقر المفهوم الحقيقي للايمان و التدين.
9- اخيراً الشعب اقتنع ان العيب مش في الحكومات و لا رئيس العيب فينا و في تعليمنا و في ثقفتنا و جهلنا .... و لاول مره الحكومه تثير إعجاب شعب بقرارات و تطبيق يكلف دوله فقيرة زي حالتنا كتير لدرجه انها تجيب ولادها من دول العالم علشان يبقو علي ارضهم في نفس ذات الوقت اللي نشوف دوله زي امريكا بتدفع ولادها 1000 دولار علشان يرجعوا بيوتهم لا واللي الدوله المصريه بترجعه لارضه وناسه بتقعدوا الاول فتره حظر في الميريديان او الماريوت اكل شارب نايم متدلع و علي حساب الدوله و عجبي ..... تصدق يا فيروس يا ابن الايه انت اني شوفت فيديوهات لناس في امريكا بتتوسل للدوله المصريه انهم يرجعوا بلادهم علشان خايفين علي نفسهم في امريكا !!!!
10- أخيراً بقي في سيطره علي الاسواق و جشع التجار من الناس نفسها اللي ابتدت تعترض و تقول بناقصها و تبلغ و تتحرك و الحكومه اللي بتتحرك علي قد مقدرتها لدرجه خلت ان كان قبلك يا سيد كورونا في ظروف زي دي كان ممكن الشعب المصري يكون بيتباع قطع غيار في سوق البني ادمين
11- دوله تصنف فقيره زي مصر تاخد بالها من ناسها لدرجه انها تدفع فلوس للناس اللي دخلها باليوميه حتي لو ما قدرتش تدفع للكل بس علي الاقل بتحاول و في نفس الوقت اكبر دول العالم بتتخلي عن ناسها حاجه خلتنا نرجه نثق و نفتخر ببلدنا و ان المصرى غالي مش رخيص حتي لو لسه في سلبيات بس زى ما اتفقنا العيب فينا مش في حكومه!!
12- مش هقول رجال اعمال لكن الشعب نفسه بيتبرع لدرجه اني انا شخصيا اتبرعت حتي لو بمبلغ صغير لصندوق تحيا مصر مع اني عمرى ما كنت اتخيل اني اعمل كده علشان اخيراً حسيت و اقتنعت اننا في مركب واحد!
13- ببساطه الشعب لما ابتدي يخاف منك .. و علشان العمر مش بعزقه ابتدي بسهوله و بسلاسه غير متوقعه يعرف يفرق بين الهمجي و العاقل... الجشع والمحترم... الارهابي و الانسان اللي عايز يعيش صح.... رجل الدين و اللي بيتاجر بالدين... قناة الجزيرة و لا مصدر خبر محايد دقيق ..انه يسيب القرار للعلم و العلماء و يفهم ان اي القرار مبني علي معلومات و معطيات و لو انت معندكش المعلومات و المعطيات دي يبقي تتلهي علي عينك و تسيب اللي معاه يتصرف و كل بني ادم كان جواه شخصيه الفتاي حطها في الصندره!!
١٤- يا راجل ده بيقولك حتي الارض ابتدت تتعافي و لمؤخذه خرم الأوزون ابتدي يلم من قله التلوث.... و الطبيعة ابتدت تشم نفسها من القرف اللي البني ادمين عملوه علي مدار سنين ..... حتي اليوم بقي فيه بركه مش طبيعية لدرجة انه مش بيخلص 😅!!!!!
عندنا مشكله واحده بس ان السياحة وقفت بس بردو معلش و مش مهم لان ببساطه وقت ما كانت السياحة شغاله علي اخرها و بتوع السياحه مش عارفين يودوا الدولارات فين باقي الشعب مكنش عايش في القطامية هايتس ... !!!!
بص انا لو قعدت اتكلم من هنا لبكره مش هخلص ...بس انت متخيل يا كوكي انت عملت ايه في الكوكب المعفن ده !!!!
علشان كده وحياة اغلي ما عندك و غلاوة ال DNA و ال RNA بتوعك و غلاوة غشاءك البروتوني اوعي تمشي من هنا مهما حصل حتي لو انا شخصياً اترحموا عليا بسببك .... فما الحب ما قتل ........
#انا_بحب_فايروس_كورونا